MSU Cup 2023 khâr a ni

14th April, 2023

Mizo Students’ Union Gen.Hqrs-in MSU Cup 2023 Annual Inter College Competition an buatsaih chu Aproil 12, Nilaini zan khan Lammualah khar a ni a, kharna inkhawmah hian Mizoram Football Association president Lal Thanzara khuallian niin, Assam Rifles 23 Sector commander Brig. Girish Upadhya khualzahawm a ni.

Lal Thanzara chuan, infiamna chu eizawnna tlak a nih thu sawiin, infiammite chu ruih theih thila fihlim turin a chah.

Brig. Girish Upadhya pawhin football finalist team-a mi 15 tan sipaia luh theihna an ngaihtuahsak tur thu a sawi.

MSU Cup 2023-ah hian college 10 an tel a; football, basketball, volleyball, cheraw, buhthlei, bawhhla leh miss multimedia-ahte intihsiak a ni.