RT-PCR khawlah sorkar zawt

Lunglei district-a Congress party ṭhalaite chuan thuchhuah siamin, Lunglei Civil Hospital (LCH)-a hman tura MLA Zodintluanga Ralte-in a MLA fund hmanga RT-PCR khawl a leisak chu, "Sorkar hian a hmang duh thlâwt lo nge, a ngaihna a hre lo?" tiin an zawt. 

LDYCC hian nimin khan Lunglei khawpui lûn lai hmun ṭhenkhatah hmai tuamna (mask) nei lo leh vuah remchang lote tan mask eng emaw zat an sem a, a hmain LDCC-in police-te'n an sem tur mask 1,000 chu Lunglei Police Station-ah an pe tawh tih an sawi a, "Covid-19 laka kan him theih nana Mizoram sorkarin hma a laknaah, pawisa khawn zawng leh peipunna remchangah hman a tum tlat hi àwm lo kan ti a, MNF sorkar hi kan dem tak zet a ni," an ti.