Deputy CM hoin hna thawh tur enfiah

Urban Development and Poverty Alleviation (UDPA) minister Tawnluia, deputy chief minister hoin nimin khan Aizawl hmun pahniha Aizawl City Junction Improvement aṭanga hna thawhna tur enho a ni.

Hmun enhonaah hian UDPA, PWD, PHED, Disaster Management & Rehabilitation leh Geology & Mineral Resources department hotu te, Aizawl Municipal Corporation hotute leh Chawnpui Local Council aiawhte an tel.

Deputy Chief Minister ho hian Aizawl City Junction Improvement hnuaia thawh tur, Seventhday tlanga Lalnunzira in bul aṭanga Upper Kanan péngṭhuam inkar leh DMR Directorate kawmthlang kawng kual lai zauh dan tur enho a ni.

Secenthday tlang - Upper Kanan péngṭhuam chu Geology & Mineral Resources department-in siam dan tura an tih angin PWD-in estimate siam se, chawlhkar khat hnuah thawh ṭan ni se, an ti. DMR Directorate kawmthlang kawng kual zauh tur chu ruahmanna awm tawh angin UDPA lamin hma la ṭan se, fûr inṭan hmaa zo turin chak taka hmalak ni se, an ti bawk.