Tuirialah naupang tla hlum

Anthony Vanmawia (11) s/o Joshua Lalrin­ngheta, Tuirial chu April 17, Thawhṭanni khan Tuirial luiah a tla hlum.

Thu dawn danin, Anthony Vanmawia hi Tuirial Primary School-a pawl 3 zirlai a ni a, sikul bàn hnuah a nau Vanlalhmunsiama (9) leh an ṭhian dangte nen Tuirial luiah chêng turin an kal a ni. Luia an chennaah Vanlal­hmunsiama chu a chesual a, Anthony Vanmawia'n chhan a tumna lamah amah chesual ve lehin, tuiah a tla hlum a ni. Vanlalhmunsiama erawh chu a ú puihnain vaukamah a vâk chhuak thei thung.