MNF-in ram leh hnam tan theihtawp a chhuah reng dawn - Lalrinawma

MNF adviser Lalrinawma, minister chuan nimin khan Chhingchhip community hall-ah Tuikum Block MNF political training a hmanpui a, MNF chuan ram leh hnam tan theihtawp a chhuah reng dawn tih a sawi.

Lalrinawma chuan, MNF party chu a din tirh aṭangin ram tan nghet takin a ding nia sawiin, "Sorkarna pawh Pathian leh mipui zarah lo chang tawh ṭhinin, he ram tan hian nasa takin a lo thawk tawh ṭhin. Ram leh hnam tan theihtawp a chhuah zel dawn," a ti.

MNF Adviser chuan, chief minister Zoram-thanga remhriatna fakawm a tih thu sawiin, "Hri léng, lirnghing, vawk pûl hrite'n min tibuai nasa hle chungin chak takin hma min lakpui thei a, a lawmawm takzet," a ti a, harsatnate chu Pathian hruainain an paltlang thei niin a sawi.

Tuikum Block MNF political training hi an president T Lalsangzuala'n a kaihruai a, MNWF vice president Vanlalrengpuii pawhin thu a sawi a ni.