Cheng nuai 1,409.23 hù ruihhlo tihral a ni

Excise & Narcotics department (END)-in ruihhlo chi hrang hrang an man zinga court-in a chinfel tawhte chu nimin khan END minister Lalrinawma'n Bethani Multipurpose Farm, Phunchawngah a hâl ral. Ruihhlo hâl ral hlut zawng chu tualchhunga hralhna angin Rs 14,09,13,395 (nuai 1,409.23) man a ni.

Nimina END Minister-in a tihralte chu ruihhlo chi hrang pakua bakah, zu leh beer-te a ni a; zu leh beer tihralte chu tualchhunga hralhna angin Rs 37,63,550 man a ni. Ruihhlo chi hrang pakua an tihralte chu tualchhunga hralhna angin a vaiin Rs 13,71,49,845 man a tling.

Ruihhlo tihral zingah heroin tam berin, 30.053 tihral a ni a, Rs 9,01,59,000 man a tling. Methamphetamine mûm 9,78,264 tihral niin, Rs 3,91,30,560 hû a ni a, Rs 49,21,660 hù Pseudoephedrine (khehpuam) mûm 2,46,083 tihral a ni bawk.