Piang leh thi chhinchhiah dan sawiho

Mamit District Coordination Committee on Civil Registration System of Births & Deaths chu an chairman VL Remliana, district bawrhsap hoin nimin khan DC conference hall-ah an ṭhukhawm.

Ṭhutkhawmah hian, damdawi-ina nau nei zingah damdawi-ina an awm laia an fate hming phuah hman lo an awm ṭhinin birth certificate pekah harsatna a thlen ṭhin tih tarlan a ni a; damdawi-ina an awm lai ngeiin naute hming phuah hrâm ni se an duh thu an sawi.

Digitised births & deaths certificate chu a duh apiang tan Rs 220 chawiin DRO Office, Mamit district-ah tih theih a nih thu an tarlang a; birth certificate-a hming, nu leh pa hming, pian ní leh thlate tihdanglam mai mai theih a nih tawh dawn loh avangin uluk leh fimkhur taka ti ṭhin turin mipui an chah a ni.