MNF-in CADC MDC candidate an puang

MNF party chuan May 9, 2023-a Chakma Autonomous District Council (CADC) inthlanpuia an dandidate turte nimin khan Chawngte (Kamalanagar)-ah an puang.

CADC inthlanpuia MNF candidate turte puanna inkhawm MNF District Hqrs., Chawngte president PC Chakma-a'n a kaihruai a, candidate turte chu MNF NCC member D Thangliana'n a puang a ni.

MNF hian CADC-a bial awm zawng zawng, bial 20-ah candidate an nei dawn. CADC-ah hian MDC bial 24 a awm a, chu'ng zinga 20 chu mipui thlan tur niin, pali erawh chu chief executive member-in a ruat tur a ni thung.

D Thangliana chuan, candidate puan chu a hreawm hle tih sawiin, "A chhan chu MNF MDC ticket hi Chawngte-ah chuan MNF hi political party zinga atute pawhin an dah sàn, boruak nei ber party kan nih avangin beisei an tam em em a ni. Candidate chang lote pawhin lungawi loha hmang loin, theihtawpin MNF tan thawk zel turin ka sáwm che u a ni," a ti.