MLA-in in hmun nei lote in hmun a hlan

Serlui bialtu MLA Lalrinsanga Ralte chuan nimin khan a bial chhung Saiphai khuaa in hmun nei lote tana ram a lei chu chhungkaw 26 hnenah a hlân.

In hmun hlanna inkhawmah Lalrinsanga Ralte chuan, in hmun nei lote'n hmun thar an nei thei tur chu a lawmpui thu leh thlan zinga la tel ve lo, in hmun la nei lote pawh an mamawh dan ang zela ngaihtuah zel a tum thu a sawi.

Serlui Bialtu MLA chuan, mi rethei leh harsa zawkte tana a ding zel dawn nia sawiin, "Mimal, chhungkua leh khawtlanga harsatna an neih chuan an tan ka ding zel ang," a ti a, harsatna neite chu amah be turin a chah.

In hmun hi a dawng àwm takte'n an dawn theih nan Saiphai VCP kaihhruaina hnuaiah committee din a ni a, committee-ah hian Saiphaia political party leh pawl hrang hrang aiawhte an tel. In hmun inhlannaah hian in hmun nei lo an pekte hian an in hmun tur an pawt a ni.