Khawpui kawngpui enfiah dan tur rél

Aizawl District Disaster Management Authority (ADDMA) chu nimin khan Aizawl SP conference hall-ah an chairman Dr Lalhriatzuali Ralte, bawrhsap hoin an ṭhukhawm a; Aizawl khawpuia kawngpui leh kea kalna dâla hmalakna awmte enfiah leh siam rem chungchang an rél.

Ṭhutkhawmah hian Aizawl SP leh additional DC bakah, PWD, PHED, AMC, DRDA leh Health department aiawhte leh sorkar hotu dangte an tel. Aizawla kawngpui leh kea kalna dâl zawnga hmalakna awmte enfiah leh siam rem tura hmalak dan tur relin, ruahmanna an siam a ni.

Fûrpui thleng turah department hrang hrang leh khua/veng tinte inhmakhua lâwkna tur te, Aizawl district-a leimin ṭhinna hmunahte fûr thlen hmaa inruahman lâwk dan turte an rel a; Aizawla kawng ulh zual, Traffic police lamin an thilthlai tawh, lirthei chetsualna thlen hlauhawm thei hmunte chu enfiah an rel bawk.