Crime compensation sawiho

Aizawl district & sessions judge Vanlal­enmawia kaihhruaiin nimin khan Mamit District Court-ah Under Trial Review & Crime Victim Compensation chungchang sawiho a ni.

Ṭhutkhawmah hian Mizoram Victims of Crime Compensation scheme hnuaia Mamit district-a zangnadawmna dilna lut 20 an ngaihtuah a ni.

Vanlalenmawia chuan, jail-a táng zinga thubuai ngaihtuah mek, an tàn hun tur bituk hun chanve aia tam tángte chu bail-a chhuah an nih theih dan ngaihtuah chu an hun hmanin a tum ber a nih thu a sawi a, "Case investigation titute'n uluk takin chhui ṭhin ni se. Chutihrualin, judicial lam chuan thil tisualte chu convict zel turin ṭan kan la ṭhin," a ti. Mamita IPC Section 436A hnuaia thubuai ngaihtuah mek, bail-a chhuah mai theih tur chi an awm lo chu lawm­awm a tih thu a sawi bawk.

District & Sessions Judge hian nimin vêk khan Mamit District Jail a tlawh a, Rights to Prisoners tih thupui hmanga aware­ness programme a hman­pui. Mamit District Jail-ah hian táng mi 52 an awm mek a, mipa 44 leh hmeichhia pariat an ni.