Zawhna siam dan zirho a ni

Mizoram Board of School Education chuan nimin khan Kolasib Project Venga BRC Hall-ah an hnuaia high school leh higher secondary school zirtirtute tan ‘Capacity Building of Teachers in Setting Higher Order Thinking Skills (HOTS) Question’ tih thupui hmangin training an buatsaih. Sikul exam pangngai leh board exam zawhna siamna atana zirlaite thiamna leh ngaihtuahna tuai hriam dante zirho a ni.

MBSE chuan kum 2020 atang khan high school leaving certificate leh higher secondary school leaving vertificate exam dan leh zawhna siam dan kalphung her danglamin, chhanna awmsa aṭanga chhan theih chi (content based question) aṭangin zirlaiten an mahni irawm chhuak aṭanga chhan chi (competency based question) zawhna tam zawk zirlaite hnen ah chhawpchhuah tum a ni.

Mizoram chhunga district 11-a zirtirtute hnenah zawhna siam dan chungchang zirtirna pawh pek vek a ni tawh bawk.