DC hoin inzirtir dan tur rêl

Aizawl DC Dr Lalhriatzuali Ralte hoin nimin khan bawlhhlawh sâwngbàwl dan chungchang mipui zirtir tura din Special Task Force member-te an ṭhukhawm.

Meeting-ah hian bawlhhlawh thliar hran dan tur leh single use plastic hman chungchangahte zirtirna pek dan tur sawiho a ni. Tunah hian bawlhhlawh paih dan inzirtirna hi zirna inah kalpui mek a nih thu tarlan a ni.

Hmalakna hmasa ber atan Aizawl khawpui chhunga bazar hmun hrang hrangah Special Task Force member-te kala inzirtirna pek dan tur te sawiho a ni.

Meeting-ah hian Information & Public Relations department, NSS, DDK, AIR, MJA leh Biodiversity Conservation Network (BIOCONE) te an tel a ni.