Lirthei chesualah mi panga an thi

Nimin chawhma dar 10:45 vel khan West Phaileng Dinthar Vengah lirthei (pick-up) pakhat kawng thlangah a tlanliam a, Marpara South khaw mi panga an thi.

Vanglaini thudawn danin, pick-up ah hian Tuipuibari-II, Mamit district-a Chakma Kût, Biju hmanga kalte an chuang a, Marpara South leh a chhehvel khaw mite an ni. West Phaileng Dinthar-a kawng chhoah an tlan chhuak zo loa, kawng thlangah a hnung zawngin an tlanliam.

Chetsualna hmunah hian nausen pakhat leh puitling pahnih (mipa leh hmeichhia) an thi a; hliam tuar pahnih chu West Phaileng damdawi-in thlenpui an nih hnuah an thi a, mipa leh hmeichhia an ni. Hmeichhia hi chetsualna hmuna thi nausen nu a ni.

Thi leh hliamte chu West Phaileng damdawi-inah lak an ni. Hliam zinga pali chu Aizawl lamah an refer thung.