Congress-in candidate tur an puang

Congress MLA Lalrin­dika Ralte chuan Chakma Autonomous District Council (CADC) inthlan lo awm tura an party candidate turte nimin khan Chawngteah a puang.

Lalrindika Ralte chuan politics-ah hnam leh sakhua a him tur a nih thu sawiin, "BJP sorkarin sakhaw pakhat tan an khel. Chuvangin, BJP hi kan sakhua ṭheuhte a him theih kan hnawl tur a ni. Mizoram chhunga Hnam tin tan Congress a ding nghet ber. Tumah thlei bik a nei ngai lo," a ti.

India ramah Congress a sorkar leh dawn tih sawiin Lalrindika Ralte chuan, "Nakkumah MP thlan tur atan central-ah BJP paih­thlak duhna a lian zel. Tun hnaia in thlang mai tur Karnataka state-ah Congress boruak a lian ber," a ti a, mipuiin Congress sorkar thar hmuh hlan an nghak­hlel hle niin a sawi.