Sorkarna siam hma aṭangin kalphung thara kal a ngai - Ward-VIII Corporator

ZPM party chuan nimin khan an pisaah political session an nei a, AMC ward-VIII bialtu corporator Christina Roluahpuii Sailo-in thu sawiin, ZPM-in sorkarna an siam hma aṭangin kalphung thara an kal a ngaih thu a sawi.

Christina Roluahpuii Sailo chuan, "ZPM chuan kalphung thar, mipui sorkar tih kan tlangaupui a, mipui pawhin min thláwp viauin a hriat. Mipui hian kalphung hlui an ning tawh a, kalphung thara kal ve an châk tawh. Sorkarna kan siam hma aṭang hian kalphung thar kan kalpui ṭan a ngai. Mipuiin an thlan corporator-te hian mawhphurhna sang tak kan nei a, party dang corporator nena kan danglamna mipuiin an hmu lo a nih chuan kalphung thar mipui sorkar tih hi an ring zo lo palh thei a ni," a ti.