Hmun pathumah kuhva rah man

Assam Rifles sipaite chuan April 22, Inrinni khan Champhai district-a Mûrlèn National Park huam chhungah Myanmar aṭanga dan loa lak luh kuhva rah ip 240 an man a, Champhaia Customs Preventive Force hnenah an hlân. Kuhva rahte chu Rs 1,34,40,000 hû a ni a, a phurhna lirthei khalhtu pawh an man nghal a ni.

Assam Rifles-ah hian nimin khan Champhai district-ah dan loa ram dang aṭanga lak luh nia hriat kuhva rah ro ip 499 an man bawk a, Rs 2,79,44,000 hu niin, a phurhna lirthei khalhtu nen Champhaia Customs hnenah an hlân.

Bairabi police-te pawhin April 22 khan truck pahnih aṭangin Myanmar aṭanga dan loa lak luh kuhva ro ip 80 (kg. 6,400 vel) an man bawk a; truck khalhtute chu Zodinpuia s/o Darzika (L), Bawngkawn leh H Lalfakzuala s/o Hmangaihthanga (L), Ramhlun nia inchhálte an ni.