Ṭhalai sipaia luh tumte tan Assam Rifles-in hma an la

Indian Army chuan April 17-26, 2023 chhungin ram chhung hmun hrang hrangah sipaia lut turte tana online hmanga Common Entrance Exam (CEE) hmasa ber an buatsaih a, Mizoram aṭangin ṭhalaite sipaia an luh theih nan Assam Rifles chuan hma lain an pui ṭhin.

CEE centre hi India hmarchhak bialah 26 a awm a, Mizorama centre chu Aizawl a ni. Mizoram ṭhalaite'n exam an hmachhawn theih nan Mizorama Assam Rifles-te chuan ṭan an la a, Mizoram hmun hrang hrangah VC-te leh pawl hrang hrangte nen ṭanghoin sipaia luh tumte tan thil pawimawh inzirtirna leh inkawmnate an buatsaih ṭhin. A ṭul angin sipai báng pawl te, National Cadet Corps leh Sainik hotute'n an pui bawk.