AR chhuahsan tur urban park-a hman duh

Aizawl khawpui lailia Assam Rifle-in an ram luah mek an chhuahsan hunah mipui vantlang tan he hmun hi urban park-a hman ni se an duh tih Aizawl Hmathlir Pawl chuan an sawi.

Tun hnaia Aizawl Press Club-a inrawnkhawm huaihawttu Aizawl khawpui tana hmathlir neia din - Aizawl Hmathlir Pawl chuan, "Assam Rifle-in ram an luah mek hi an chhuahsan hunah thil dang atan ni lo, urban park atan hman a nih theihna'n theihtawp chhuaha hma lak ni se," an ti.

Aizawl Hmathlir Pawl chuan an hmalakna ṭawiawm a, tuipuitu pawl hrang hrangte thawhpuia sawm ni se an ti a, kalkhawmte hian pawl anga indin ni se, tiin, hruaitu lailawk an inruat nghal.