Tuia tla hlum mi 2 vui an ni

April 22, Pathianni khan VL Mawia (39) h/o Melody Zoramliani, Kolasib Diakkawn leh K Malsawmzela (14) s/o K Sakhawliana, Darlawnte chu tuiah an tla hlum a, nimin khan vui an ni.

K Malsawmzela (14) hi Pathianni tlai dar 4:30 vel khan Darlawn tleirawl ṭhenkhatte nen Khanpui khaw hnuai, Hmunnghak khaw bula national highway kawng laih thar sira tui tlingah an cheng a; an rin aia a thûk avangin che buaiin a tla hlum a ni.

VL Mawia (39), Kolasib Diakkawn chu Pathianni tlai dar 4 velah tuikhuahah chesualin a tla hlum thung.