Sorkar lehkha pawimawh pekah CYMA-in fimkhur turin an chah

Central YMA chuan thuchhuah siamin, Mizo-rama document pawimawh hrang hrang - birth certi-ficate, residential certificate, tribal certificate, voter identity card leh a dangte pek chhuahnaah a khawihtute fimkhur turin an chah.

CYMA chuan, "Docu-ment pawimawhte hi khua leh tuite chauhin kan neih ngei tur a nih angin, a nei tur dik takte hnen a thlen theih nan ṭan la tlang turin kan inngen a ni," an ti.

Ram buai avanga harsatna tâwk, sahimna zawnga Mizorama rawn lut Zo hnahthlakte thlamuang taka awm tura chahin CYMA chuan, "Zo fate inpumkhatna tichhe thei zawnga tu mah awm lo tur leh social media-ah inunauna tichhe thei zawnga hma la lo turin mipui kan inngen," an ti a, Zo hnahthlak unau nihna vawng nung zel tura ṭan la ṭheuh turin mi tin an ngen a ni.