Nagaland : Kohima Medical College-ah MBBS course zir ṭan thei dawn

Nagaland-a medical college hmasa ber, Kohima-a Phriebagie hmuna Nagaland Institute of Medical Sciences & Research (NIMRS) chuan Thawhṭanni khan National Medical Commission (NMC)-a Medical Assessment & Rating Board (MARB) aṭangin, academic year 2023-24 aṭanga MBBS course kalpui phalna, Letter of Permmission (LoP) a hmu.

Health & Family welfare commissioner and secretary leh NIMSR executive committee chairman Y Kikheto Semna chuan LoP an dawn thu hi sawiin, Naglanad mipuite tana hun lawmawm tak a nih thu a sawi.

Kikheto chuan MARB leh NMC chungchang rang taka LoP an pe thei chu lawmthu hrilhin, hei hian Nagaland hmalaka an ngai pawimawh sak zia a lantir a ni, a ti. Chief minister Neiphiu Rio leh chief secretary J Alam-te chungah pawh an suangtuahna tihpuitlinna tura an kaihhruaina leh hmalakna avangin lawmthu a sawi bawk.

MRC chuan NIMRS thuneitute chu physical leh human resource, teaching faculty leh clinical material bakah thil dangte pawh academic year tluana kaihhruaina dante zawm leh tiputling turin a ti. Academic year chhung hian eng hunah pawh sawi lawk kher loa enfiah ṭhin a ni dawn tih sawiin, permission an hmuh theihna atan document dik tawk lo an hmang a ni tih NMC hnena hriattir emaw, hmuh chhuah emaw a awm anih chuan an degree pek chu pawm tlak loha ngaih a ni dawn a, letter of permisison pek pawh hi sût leh nghal a nih tur thu a sawi.