MNF in vote chuan hmasawnna In vote tihna a ni - MNF Adviser

MNF party chuan nimin khan Chawngteah rally an buatsaih a, chumi hnuah Mizo Hnam Rûnah an party zawm tharte lawm luhna inkhawm an buatsaih. Thusawitu MNF adviser Robert Romawia, minister of state chuan, mipuiin MNF an vote chuan hmasawnna an vote tihna a nih thu a sawi.

Robert Romawia Royte chuan, Chawngtea khelmualah phûl lem phah a nih thu leh infiamna hmunhma leh hmanruate din mek zel a nih thu a sawi a, "Tunah hian kawngpui ṭha siam turin sanction tam tak tihfel a ni tawh. Kumin plan-ah sikul sak ṭhatna tur project siam a ni. MNF-in vote chuan hmasawnna in vote tihna a ni," a ti.

Chakma Autonomous District Council-ah state sorkar thawhpui thei tur MNF sorkar din a pawimawh nia sawiin MNF Adviser chuan, "MNF chu central-a NDA sorkara ruling a ni a, state sorkarah ruling ni bawkin, CADC sorkarah MNF ruling a nih bawk chuan hmasawnna engine pathumin hmasawnna hna kan thawkho dawn a ni," a ti a, engine pathumna hnathawh chu a chak sawt tur thu a sawi.

MNF thuchhuah tarlan danin, MNF Adviser hian BJP leh Congress party hruaitu eng emaw zat an party-ah a lawm lut a ni.