Poshan Abhiyaan hmalakna sawiho

Lunglei SDO (Sadar) Melody Ngurthantluangi kaihhruaiin nimin khan DC conference hall-ah Lunglei District Convergence Action Plan Committee on Poshan Abhiyaan an ṭhukhawm a, kum 2022-23 chhunga hmalaknate an thlir lêt bakah, kum 2023-24 atana hmachhawpte an sawiho.

Ṭhutkhawma tarlan danin, Lunglei district-ah hian Lunglei, Hnahthial, Bunghmun leh Lungsenah Poshan Abhiyaan hmalakna kalpui a ni. Kum 2022-23 chhungin Lunglei district-a anganwadi centre 418 zinga 167-ah tui connection pek a ni a, inthiarna 380 a awm. Nutri-garden 357 siam a ni a, electrict connection panga pek a nih bakah, gas (LPG) connection 33 pek a ni bawk.