MNF-in nasa takin beih a tawk - MNYF President

MNF Lengteng North Block chuan nimin khan Chiahpui com­­munity hall-ah political training an buatsaih a, an hun hmanpuitu Mizo National Youth Front (MNYF) president Dr L Thangmawia, MLA chuan MNF-in beihna nasa tak a tawh thu a sawi.

Dr L Thangmawia chuan MNF-in beihna nasa tak a tawk mek nia sawiin, "Hei hi kan inenfiahna tura Pathianin rem min ruatsak a ni tih pawm ang u. Kan tih dik lohte thupha chawi a, kan ram leh hnam tana ṭha zawka kan thawh theihnana kan rilru tuaithar nan hmang zawk i la, term leh pawh awlsam takin Pu Zoramthanga kaihhruaina hnuaiah sorkarna kan siam leh ngei ang," a ti.

MNYF President chuan ZPM-in Mizo nationalism chawisan lam an hawi in a lang lo nia sawiin, "Mi tlin lohna zawnkhawm leh issue based-a politics thiam taka kalpui bak an hnen aṭang hian danglamna kan la hmu rih lo," a ti a, kalphung thar an zawrh chu tuna an kal mek dan a nih phei chuan principle nei lo an nih thu a sawi.

MNYF thuchhuah tarlan danin, MNYF President hian an party-ah mi 240 a lawmlut.