Social media lak aṭanga naupangte venhimna turin US-in Protecting Kids on Social Media bill siam

US Senate-ah an ram pumah social media hmang thei chin kum bithliah siam rawtna, party pahnihten an siam bill pharh a ni. He bill-ah hian naupang kum 13 hnuai lamte chu social media apps - Facebook, Instagram, TikTok leh a dangte an hman khapsak rawt a ni. Hei hi naupangte rilru lam hriselna venhimna tura an ruahman a ni.

Protecting Kids on Social Media bill-ah hian tleirawl (teenager)-ten social media-a account an siam dawnin, tech company lam pawhin nu leh pa hriatpui leh remtihna la tel zel tura rawtna pawh a siam a ni. Expert-ten social media hian mental health lam nasa takin a nghawng tih an sawi chu he bill hmang hian theihtawpa ven dan kawng ngaihtuah an tum.

Bill-a rawtna a siamah hian, naupang kum 13 hnuailamte chu social media-ah account siam khapin, user dangte nen pawha an inbiakpawh khap rawt ani a, hemi rual hian account-a login ngai kher loin content-te erawh an en thei dawn a ni. Company lam pawhin tleirawlte personal information chu content/advertisement siamnaah hman khapsak turin an rawt bawk.

Federal bill duangtu zinga mi, Hawaii Democratic senator Brian Schatz chuan social media-in naupangte rilru lam a hruaisual leh tihnat ṭhin veng turin Congress chuan rang taka hma a lak a ngai a ni, a ti.