Deputy CM-in tui lakna thar a hawng

Deputy chief minister Tawnluia, PHE department enkawltu chuan nimin khan a bial chhung Tlangmawi khuaah nizung chakna hmanga tui lâkna, Tlangpui/Tlangmawi Water Supply Scheme (Solar Pumping) bun thar a hawng.

Tlangpui/Tlangmawi Water Supply Scheme hi Jal Jeevan Mission 2021-2023 hnuaiah cheng nuai 551 sénga siam a ni a; khaw pahnihah hian in tinah pipe hmangin tui pek vek niin, mi 1,373 leh chhungkaw 228 châwm zo tura ruahman a ni. Tlangpui khuaah in 169 awmin mi 1,000 vel an chêng a, Tlangmawiah in 48 awmin mi 250 vel an cheng a ni.

Tawnluia chuan, Tlangpui leh Tlangmawi khuain tui in tur thianghlim hnianghnâr taka an nei tawh tur chu a lawmpui thu sawiin, "Ṭhálah pawh tui harsatna an tâwk lo turah ka ngai. Scheme hmang hian in tinin tui litre 38 tal an nei thei vek tura ngaih a ni. Tui hi renchem tak, daihzai tak siin a hman theih tih kan hriat a ṭul," a ti.

Tlangpui/Tlangmawi Water Supply Scheme siam turin July 26, 2021-ah hna thawh ṭan a ni a, December 26 2022-ah zawh tura tih a nih laiin, December 16, 2022-ah zawh a ni. hian ni khatah tui lirtre 66,000 a la chhuak thei tura ngaih a ni.