HBC-ah Freedom Arts Show buatsaih

Nimin khan Hrangbana College (HBC)-ah Freedom Arts Show buatsaih a ni a, HBC-a club hrang hrangin an thil siamte an entir a; Labour, Employment, Skill Development & Entrepreneurship (LESDE) director Angela Zothanpuii'n a hmanpui.

Freedom Arts Show-ah hian HBC Innovation Club bultumin chhunah zirlaite'n an thiamna hmangin ei tur, incheina tlereuh, lemziak leh thil dangte an khawih a, zirlaite hmuh turin an pho chhuak nghal a ni.

Tlaiah Golden Hall-ah Theatre Club-in lemchan an entir a, Choreography Club-in làm chi hrang hrang an entir thung. Taekwondo Team-in mahni inven dan an entir a, Cultural Club-in hnam làm an entir bakah, Music Club-te'n zaiin hun an hmang bawk.