Kuhva leh heroin man
April 27, Ningani tlai khan Mizoram Police-a Special Narcotics police-te leh 2nd Assam Rifles sipaite chuan Durtlang Leitanah heroin gram 95.99 (hawng 8) an man a, international market-ah cheng nuai 47 chuang hu a ni. Heroin kawltu Lalruatfeli (28), New Champhai leh Lalṭanpuii (51), Durtlang North nia inchhálte lakah thubuai ziah luh a ni.
Ningani vêk khan Saitual police-te chuan Saituala Saichal kawngah truck pakhat aṭangin dan loa Myanmar aṭanga lak luh nia hriat kuhva rah ip 40 (kg. 2,000 vel) leh truck khalhtu Lalmuansanga s/o Chhuanawma, Champhai Zotlang nia inchhál an man bawk.
Kuhva rah an man hi Champhai aṭanga phurh chhuah, Aizawl panpui lai a ni.