MUP-in inkhawmpui lian an hmang

29th April, 2023

Mizoram Upa Pawl (MUP) Gen.Hqrs chuan nimin khan Vanapa Hall-ah General Assembly vawi 48-na an hmang a, Social Welfare minister Lalrinawma'n a hmanpui. Minister chuan, tar pension (old age pension), October 2022 aṭanga March 2023 chu dil mek a nih thu leh lâk thuai theih a nih a beisei thu a sawi.

Lalrinawma chuan, MUP chu pawl tam tak zinga a khaitu a nih thu sawiin, "Lunglennaa nun uai liamtir mai loin, thatho leh beiseina nung nei ang che u. Ngaihtuahna hmang thiam tak leh hriatna zau tak nei in nih avangin tunlaia kan buaina tam tak zu, HIV/AIDS leh hmeichhe chunga hleilenna hrang hrangah ngaih-

tuahna sengin mahni chhung-kua ṭheuhah hma lo la ang che u," a ti a; Mizote inthlah pun dan turah naupang zawkte thuràwn pe tur a chah bawk.

MUP General Assembly hi president Lalhuapzauva'n a kaihruai a, general secretary Thanglura'n MUP dinhmun tlangpui a sawi. MUP hian branch 586 leh member 64,100 a nei mek a ni.