CADC inthlanah candidate 73 an awm
Chakma Autonomous District Council (CADC)-a member of district council (MDC) inthlanpui May 9, 2023-a neih turah chuh tuma hming pe lut zinga pakhat a inhnûkdâwk a, candidate 73 an awm dawn.
CADC inthlanpuia chuh tura hming pe lutte tan April 27, Ningani chhun dar 12 thleng khan inhnuhdawhna hun hawn a ni a; Kamalanagar North biala independent-a chuh tuma hming pe Probindu Chakma a inhnûkdâwk a ni.
CADC MDC inthlanpuiah hian candidate 73 an awm dawn ta a; Bharatiya Janata Party, Indian National Congress leh Mizo National Front party-te'n bial awm tin (bial 20)-ah candidate an dah a, Zoram People's Movement-in bial 13 an chuh dawn bawk.
April 27, 2023 khan Chawngte SDO (Civil) pisaah returning officer David Lalthantluanga hoin candidate-te tihchianna leh chhinchhiahna (symbol) thliar a ni a; party/candudate-te chhinchhiahna (symbol) tur chu BJP lotus, INC-in hand (kut), MNF star (arsi) leh ZPM hat (lukhum) a ni.