Bungzung damdawi-in hawng

Health & Family Welfare minister Dr R Lalthangliana chuan nimin zing khan Bung-zung damdawi-in (primary health centre) sak thar a hawng. Nimin vêk khan Mualkawi leh Dilkawn khuate a tlawh bawk a, a enkawl depart-ment hnuaia khawtlang mamawh an thlente chu a ṭul anga lo enzui a tum thu a hrilh.

Bungzung PHC hi NABARD (RIDF-XXVI) 2020-21 aṭanga hmuh cheng nuai 268.99 sénga sak a ni a, pindan 19 a awm a, contractor chu Ngurzamlova, Kolasib a ni. December 13, 2021-ah sak ṭan a ni a, June 13, 2023-ah sak zawh tura tih a nih laiin, April 24, 2023-ah sak zawh a ni.