Naupang awm leh awm loh enfiah

Mizoram State Com­mission for Protec­tion of Child Rights (MSCPCR) chuan Aizawl bawlhhlawh sâwng­bàwlna hmunah bawlhhlawh chhar ṭhin naupang an awm thu an dawn avangin hre chiang turin MSCPCR member Dr Julie Remsangpuii Fambawl chuan April 24, 2023 khan a hmunah a enfiah.

MSCPCR chuan, Aizawl Municipal Corp­oration-in hma an lâkna zarah bawlhhlawh sawngbawlna hmun, Solid Waste Management Centre-a kal ṭhin naupangte an lo awm tawh mang lo tih an tarlang a, "Commission-in a hmun an tlawh lai pawhin naupang hmuh tur an awm lo a, a lawmawm hle," an ti.

MSCPCR chuan, The Child Labour (Prohibition and Regulation) Act, 1986-in naupang kum 18 hnuai lamte hna thawka chhawr a phal lo a, an hriselna leh nun khawchhuahna atana hlauhawm hmunah phei chuan awmtir loh tur a nih thu an tarlang bawk.