Kalphung hlui leh thar indonaah ṭhalaiten thâ thlah a thiang lo - ZPM Ṭhalai President

Hachhek North Block ZPM chuan April 29, Inrinni khan Kawrtethawvengah ZPM Hachhek Ṭhalai Meet an buatsaih a, an hun hmanpuitu ZPM Ṭhalai president Dr C Lalram­mawia chuan kalphung hlui leh kalphung thar indona-ah ṭhalaite'n thâ an thlah a thian loh thu a sawi.

Dr C Lalrammawia chuan, kum 2023 MLA inthlan lo awm tur chu kal­phung thar leh kalphung hlui indona tur a nih thu sawiin, "Kan ralthuam ṭha ber chu vote a ni a, indona-ah ṭhalaite'n kan thâ kan thlah thiang lo ang. ZPM hi midangte beidawng tura fuihtu kan ni lo. Ram rorelna ṭha zawk nei tura beiseina nei kalkhawm kan ni," a ti.

ZPM Ṭhalai President chuan ZPM sorkar tir kawngah mipuite ngaih­dan a inan vek tawh thu sawiin, "Mipuite'n sum thiltihtheihna an kalsan tawh. Khawpui leh thing­tlâng politics a dang­lam tawh lo. Politics thil­tih­theihna hmanga rahbeha awmte chu ZPM-in a phelh zalên dawn," a ti a, ZPM chuan a hnuaihnung berte dâwm kânna politics a buaipui thu a sawi.