Maan Ki Baat vawi 100-na
Prime minister Narendra Modi chuan nimin khan radio leh media dang kaltlangin Maan Ki Baat vawi 100-na (100th episode) atan thu a sawi a; Governor Dr Hari Babu Kambhampati pawhin thu sawiin, Mizoram hmalaknate a tarlang.
Maan Ki Baat vawi 100-na pual hian Prasar Bharati (DDK) chuan Ministry of Information & Broadcasting ruahman angin Raj Bhavan-ah program a buatsah a, Governor Dr Hari Babu Kambhampati chu khuallian a ni.
Governor chuan Maan Ki Baat program-ah hian Mizoram chungchang leh hmalakna ṭha deuhte a tarlang a, heng a tarlan kaihhnawiha hmalatu pahnih - CL Ruala, Ex-MP leh Save Chite Lui Coordination Committee-te chawimawina a hlan.
Governor chuan MKB chu Prime Minister thusawi a ni mai lo tih sawiin, "PM-in he thusawi kaltlanga mipui nawlpuite nena inlaichînna thûk tak a siamna a ni. MKB hi vawi 100 chhuah a ni tawh a, hemi chhung hian mi tam takin India ram hmasawnna atan PM hmathlirte ṭawmpuiin an theihna zawnah hma an la," a ti.