Siaha VC inthlan thlirlet

Mizoram state election commissioner (SEC) Laima Chozah hoin April 28, 2023 khan Siaha DC conference hall-ah tunhnaia Siaha district-a VC inthlan thlirletna neih a ni a; SEC chuan boruak muanawm tak hnuaiah VC inthlanna neih a ni chu lawmawm a tih thu a sawi.

Laima Chozah chuan, April 18, 2023-a Siaha district VC inthlan kha Mizorama SEC in VC inthlan a buatsaih vawi hnihna a nih thu a sawi a, "Duhthusam ang diak diak chuan thil kaltluang lo mah se, District Election Officer kaihhruaina hnuaiah theitawp chhuaha inthlanna buatsaih a ni tih ka hria a, ka lawm takzet a ni," a ti a; inthlan neih zawh taka an tawnhriatte hmang ṭangkai tur leh rawntna an neihte chu VC inthlan leh huna atan SEC in a ngaihpawimawh tur thu a sawi.

He hunah hian Siaha DC, SP, Addl DC, PD DRDO leh sorkar hotu dangte bakah, MADC executive member (LAD) K Chhuabei leh LAO K Beingiachhie te an tel a ni.