Mizoramin lawmman pathum a dawng

Union minister for Jal Shakti Gajendra Singh Shekhawat kaihhruaiin nimin khan Radisson Blu, Guwahati-ah Brahmaputra Board - High Powered Review Meeting vawi 12-na neih a ni a, minister C Lalrinsanga pawh telin, Mizoram sorkar aiawhin Ministry of Jal Shakti hnuaiah lawmman pathum a dawng.

Ministry of Jal Shakti hnuaiah hian Mizoram chuan national award pathum a dawng a; PHE department, Mamit district-in 'Fastest Moving Aspirational District' ah ram pum huapa lawmman pakhatna leh October 1, 2022 - March 31, 2023 chhunga 'Best Performing Aspirational District' ah lawmman pahnihna an dawng a, general category-ah Kolasibin 'Best Performing District in High Achievers (October 1, 2022 - March 31, 2023)' an lawmman pathumna an dawng.

C Lalrinsanga chuan Mizoram tana project pawimawh tak tak an thlente pawm a nih avangin lawmthu a sawi a; Union Minister hnenah hian tuihna kang zel tur venna, springshed management project leh tuilianin agriculture ram ṭha a tih chhiat zel venna atana project tam zawk hmalak mamawhna awmte Mizoram tana kutthlak a nih zel theihna tura hma la turin a ngen a ni.