ZPM-a haw khawm turin sawm
ZPM PAC extended meeting chu nimin khan an party pisa-ah neih a ni a, tunhnaia inthlan hrang hrang an hmachhawnte thlirletin, ZPM-a haw khawm zel turin Zoram mipuite an sawm.
ZPM PAC chuan Lunglei Municipal Council inthlan March 29, 2023 a neihah Lunglei mipui duhsakna vangin seat awm zawng zawng an lak fai vek thu te, Chief Minister bial Zemabawk Local Council by-election-ah chakna an chang te, Durtlang Leitan local council by-election ah hnehna sang tak an chan thute leh Siaha VC election-ah seat eng emaw zat an lak thute tarlangin, "A lawmawm kan ti hle," an ti.
Kalphung thar, mipui sorkar siam turin Zoram mipuiten ngaihtuahna an hmang mek a ni tih heng inthlan hrang hrang result hian a tarlanga an ngaih thu ZPM PAC chuan tarlangin, sorkar ṭha, mipui sorkar siam tura ZPM-ah haw khawm zel turin Zoram mipuite an sawm.