Minister-in KM High School tlawh

Minister Lalruatkima chuan nimin khan a bial Aizawl West II chhunga KM High School a tlawh a, zirlaite leh zirtirtute nen an inkawm. Minister chuan tun hnaiah Vaivakawn High School tih changtlunna leh thawmṭhatna tur cheng nuai 70 leh Tuikual North High School tan nuai 60 hmuh a nih thu a sawi.

Lalruatkima chuan, sikul building chungchang sawiin, "Project siam a ṭha law'm ni, tia ngaihtuahna kan neih laiin, Covid in min nang a, hun rei tak hnathawh tur ang thawk thei lo in kan awm. Tun hnaiah Article 275 tlawh chhanin hmasawnna chi hrang hrang thlir a ni a, chung zingah chuan KM High School building sakna tur bawhzui a ni," a ti.

Sikul ṭha tehna pakhat chu result ni mah se, zirlaite kal zelna turah mi puitling, ram tana mi chhenfakawm eng zat nge chhuak tih chhût fo a ṭha tih sawiin Minister chuan, "Zirtirtuten theihtawp an chhuahna chu zirlaiten taimakna leh tumruhnain an chháng lêt tur a ni. Hma lam hun hria kan awm lo a, amaherawhchu tum nei ang che u," a ti a; an tum a hlawhtlin nan thil tam takah a hmasa ber emaw, hnungdawltu emaw an nih a ngaih ṭhin dawn thu a sawi.

He hunah KM HS zirtirtu Lalkhumtiri pawhin thu sawiin, SEDP aṭanga mathematics zirtirtu, LDC, 4th Grade chowkidar pek an nih avanga an lawmthu a sawi a ni.

KM High School-ah hian zirlai 271, zirtirtu 15 an awm mek a ni.