Dan loa Mizorama lût man a ni

Tuikhuahtlang Local Task Force (LTF) chuan nimin khan Karimganj, Assam aṭanga dan loa Mizoram lût ni ngeia hriat an man a, Magistrate thu angin quarantine centre-ah dah a ni.

Tuikhuahtlang LTF hruaitute hnen aṭanga Vanglaini thu dawn danin, hnam dang an man hi an venga in luah, Lawngtlaia hnathawk ṭhin a ni a; Mizorama Covid-19 buaipui 

ṭan a nih khan a nupui fanaute chu Karimganj lamah an haw a ni. Hun rei tak an in luah chu a inkalh hnuah May 19, Thawhlehni tlai khan a inhawn avangin a ṭhenawmte'n task force an hriattir a ni.

Task force-te chuan thu zawtfiahin, Lawngtlai aṭanga rawn phei a nih thu a sawi a, Lawngtlaia hna a thawhna (inhlawhna) pa chuan thla khat vel a awmna chin an hriat tawh loh thu leh, a ṭhiante chuan Karimganj lama a haw thlak thu an hrilh tih a sawi thung. A hnuah Karimganj aṭangin handyman anga in­sawi­in Mizorama a rawn luh thu a sawi leh a ni. A ṭhiante an zawhfiahnaah pawh Karimganj-ah a haw thu an sawi hlawm.