Excise-in heroin kg. 12.957 man tawh

Excise & Narcotics department kumin January 1 - April 30 chhung khan Mizoramah heroin kg. 12.957, rakzu litre 27,379, beer (500 ml) ûm 7750 leh ruihhlo dang eng emaw zat an man.

END thuchhuah tarlan danin, May 1, Thawhṭanni khan hmun paliah heroin gram 264.100 (hawng 20) an man a, hemi kaihhnawiah hian mi panga man niin, an zinga pakhat chu rampawn (Myanmar) mi a ni. Heroin vanga mante lakah hian The Narcotics Drugs & Psychotropic Substances Act, 1985 (NDPS Act) tlawhchhanin thubuai ziahluh a ni.