ADB-in Aizawla hnathawh enfiah

Asian Development Bank (ADB) mithiamte chuan Aizawl Sustainable Urban Transport Project (ASUTP) kalpui mekah nimin aṭang khan ADB Recon and Project Readiness Financing (PRF) Mission Visit an nei ṭan a, ASUTP hmalakna hrang hrang an endik dawn a ni.

ADB mission visit-ah hian senior transport specialist Shuji Kimura kaihhruaiin senior project officer Kaushal Kumar Sahu leh ADB staff Alok Bhardwaj te an rawn kal a, nimin chawhma lam khan Kulikawn - Vaivakawn, Chanmari kawn, ATC, Durtlang leh Ngaizel City Bus Terminal-te an tlawh a; chawhnuah UDPA Director meeting room UDPA department hotute nen an inkawm.

Vawiinah ADB aiawhte hian ropeway alignments; Zemabawk Cancer Hospital – Ramhlun Sport’s Complex – Mc Donald Hill, Zarkawt – AR Premises – Chhangurkawn – Chawlhhmun, Solomon Temple – MZU; MZU – Lawipu – MINECO – PUC – Rajiv Gandhi Stadium, Mualpui; MZU – Sakawrtuichhun – Sairang; bus leh truck terminal atana ruahmanna hmun Sairang/Sihhmui, Bung Bangla, Ngaizel/Hlimen leh Zemabawkte an tlawh dawn a ni.

Mission visit hi May 5, 2023 thleng neih a ni ang.