Hmeichhe naupang pawngsualtu kum 10 táng turin hrem a ni

Hmeichhe naupang kum 10 mi pawngsualtu John Lalhruaizela s/o Lalhmangaiha, Vaitin khua chu kum 10 chhung táng tur leh Rs 3,000 chawi tura hrem a ni.

Pawngsual thubuaiah hian Aizawl Judicial District, (E) Fast Track Special Court (POCSO Act) presiding officer P Singthanga chuan tunhnai khan John Lalhruaizela hremna tur a puang a; kum 10 táng tur leh Rs 3,000 chawi turin a hrem. Pawisa a chawi tur hi a pe thei lo a nih chuan hrehawm takin thla thum a tan belh dawn.

He pawikhawihna hi kum 2015-a thil thleng niin, September 31, 2015 khan Sakawrdai Police Station Case No. 21/15 Dt. 31.12.2015 u/s 6 POCSO Act ziah luh a ni. Police-te'n an chhui zui a, finfiahna awm thei ang angte la khawm in Court-ah chargesheet thehluh a ni. Pawikhawihtu hrem a nih theihna tura theihtawp chhuaha thubuai chhuitute chungah Mizoram Police chuan lawmthu a sawi a ni.