AMDE-in nawrh titawp lailâwk; Sorkarin ni 15 chhunga an harsatna chinfel a tiam

District Institute of Education and Training (DIET)-a thawkte inzawmkhawm pawl, Association of Mizoram DIET Employees (AMDE) in an service leh hlawh chungchanga harsatna an neih avanga hna an chawlhsan chu Mizoram sorkarin ni 15 chhunga chinfel sak a tiam avangin vawiin aṭangin hna an chhunzawm dawn a; an duh anga sorkarin hma a lak loh chuan Indefinite Strike neih an tum.

AMDE Executive Committee nimina ṭhukhawm chuan, an hlawh leh service chungchanga harsatna an neih avanga hna an chawlhsan chu sorkarin ni 15 chhunga chinfelsak a intiam avangin titawp lailawk an rêl a, "Hun tiam chhung (May 3-17, 2023) a kan thil phûtte min chinfel sak tura sorkar a intiam angin sorkar hmalakna kan thlir reng dawn," an ti.

An thil phûtte tihhlawhtlin a nih loh chuan indefinite strike neih an tum thu tarlangin AMDE chuan, "Kan thil phûtte tih thlawhtlin a nih loh chuan May 2, 2023-a kan School Education Additional Secretary hoa department leh AMDE hruaitute ṭhutkhawma kan hotuten - 'Ni 15 chhunga kan harsatnate chinfel a nih loh chuan hma in la leh zawk dawn nia' min tih angin, hmalak a ṭul chuan Indefinite Strike kalpui nghal tur a ni," an ti.

ADME thil phûtte

• Kan hlawh atana state tum tur (state matching share), 40% state budget-a dah luh.

• Thla ruk hlawh avaia pek fel vek.

• Education Minister hoa heng department - Planning, DPAR leh Finance hotute nena kan service chingfel tura sawihona neih.