MPCC executive committee-in Zodintluanga banna an pawm

Mizoram Pradesh Congress Committee (MPCC) executive committee chuan an party danin a phût angin Zodintluanga Ralte-in MPCC treasurer aṭanga a banna Congress Bhavan-ah an ngaihtuah a, Zodintluanga banna hi an pawm.

MPCC executive committee hian April 21, 2023 a Zodintluanga'n banna a thehluh chungchang ngaihtuahin, May 1, 2023 a MPCC President nena press conference an lo neih tawh angin lungrual takin pawm a nih thu an party thuchhuah chuan a tarlang.

MPCC treasurer thar ruat chungchangah MPCC executive committee thuneihna elected OB-te kutah an hlan.

Meeting-ah hian MPCC Media chairman Dr Lallianchhunga resolution putluh, 'Pu Lalsawta’n MPCC a kaihhruai dan hi ṭha kan tiin kan ring tawk. Mizoram tana a hmathlir leh a kaihhruai tum dan hi Congress party tan chauh pawh ni lo, Mizoram tana ṭha, dinchhuah pui tham niah kan ngai a ni. Chuvangin, sorkar ṭha siam tura Pu Lalsawta kaihhruaina hnuaia lungrual taka hmalak zel nise kan ti' tih chu an pawm.