100 Days Reading Campaign khar a ni

State Council of Educational Re­search and Training (SCERT), Mizo­ramin International Literacy Day (ILD) denchhena 100 Days Reading Campaign an kalpui chu nimin khan SCERT Auditorium-ah khar a ni.

Campaign neih chhung hian Aizawl khawpuia primary school leh middle school ṭhenkhatah Awareness Drive on Importance of Reading hun hman a ni a; Aizawl khawpuia govt. primary school thlan chhuah 15-ah Reading Festival neih a ni.

Aizawl veng hrang hrang YMA aiawh mi pahnih ṭheuh sawmin lehkha chhiar pawimawhna zirtir an nih bakah, naupangten lehkha chhiar an taihmak thar theihna atana hmalak dan tur sawiho a ni.

District hrang hrangah pawh DIET-te nena thawkhoin SCERT chuan Reading Campaign an buatsaih bawk.