DoNER Secretary-in Mizoram hmasawnna thlen thei tur summit buatsaih a nih thu a sawi

Aizawla State Investment Workshop for State Preparedness on North East Global Investors Summit, 2023 neih chungchangah nimin khan Development of North Eastern Region (DoNER) secretary Lok Ranjan chuan Royal Lalawi Hotel, Khatlaah thuthar thehdarhtute a kawm a; summit chu Mizoram tam hmasawnna thlen thei leh ṭhalaite tan hnathawh tur ṭha hmuhna theihna remchang a nih thu a sawi.

Lok Ranjan chuan summit-ah hian Mizoram pawna sumdawng lian (investor)-te'n Mizoramah investment tihna tur ṭha an neih thu a sawi a, "Nimin leh vawina investor-te leh sorkar hotute nen kan sawihonaah Mizoramah investment tihna tur ṭha tak an hmuh kan beisei a, heihi investor-te hlawkna tur leh Mizoram hmasawn theihna tur a ni ang," a ti.

Investor-te kaltlangin summit-ah hian Mizo ṭhalaite tan hnathawh tur ṭha hmuh theihna hun remchang a inhawn dawn thu leh Mizoram tan sum leh pai leh thildanga hmasawnna a thlen a beisei thu pawh DoNER Secretary hian a sawi.