Skywalk leh ropeway chungchanga PIL lut High Court-in a hnawl

Sakawrhmuituai tlanga skywalk leh Chaltlang leh Durtlang inkara ropeway siam chungchanga PIL thehluh chu Gauhati High Court, Aizawl Bench-in a hnawl.

PIL thehluttu hian Durtlang - Chaltlang ropeway leh Sakawrhmuituai tlanga skywalk siamna tura Ministry of Tourism-in Mizoram sorkar sum a rawn pek hman a nih danah fel lo awm nia hriain, Gauhati High Court-ah PIL hi a thehlut a ni.

He project hi cheng vbc. 99 sènna tura ruahman niin, Mizoram sorkar leh contractor-te chuan August 30, 2017 khan thla 16 chhunga zawh hman turin inremna an ziak.

Gauhati High Court in PIL chungchang hi a ngaihtuah hnuah May 3, 2023 khan thutlukna a ti chhuak a, PIL hi hnawl a ni tiin thutlukna siam a ni.

PIL tihtawp a nih chhan chu contractor leh a ruaitute inkarah ‘arbitration case’ kal lai mek a awm vang a ni.