Mipui zirtir nan bike rally buatsaih
Mizorama Assam Rifles chuan ruihhlo leh hman khat daih sarâng ṭhat lohzia inzirtirna atan te, Hindi leh English pawimawhzia tlangaupuina atan leh, Sainik School-a luh leh sipai zawm ṭhatzia inzirtirna atan Bike Rally an buatsaih a; May 3, Nilaini khan AR 23 Sector DIG Brig. Girish Upadhya-a'n a vailiam.
Bike Rally-ah hian Mizoram Moto Adventure Club member panga an tel a, hmun hrang hrangah Assam Rifles mite'n an lo zawm ve bawk ang. Mizoramin Myanmar leh Bangladesh ram a rìna bula khaw hrang hrangte an tlawh kual dawn a, May 10, 2023-ah Aizawlah an lêt leh beisei a ni.