CYMA-in ngaichang thiam turin ngen

Central YMA chuan Manipur-a Zohnahthlakten harsatna an tawh mek chungchangah Mizo mipuite hnenah ngenna an siam.

Manipur-a chi leh chi inkara buaina thleng mek chungchangah CYMA chuan Mizoram sorkar leh CYMA hmalakna ngaichang thiam turin Mizo mipuite an ngen a ni.

CYMA ngenna dangte

• Manipur buaina avang hian Zohnahthlak sahimna zawnga Mizorama lo lut awm thei reng a nih avangin, kan unaute lo dawngsawng tura inbuatsaih/inruahman turin Mizo mipuite kan inngen e.

• Manipur buaina avanga ei leh bar, ni tin khawsak mamawh harsatna thleng thei chungchangah mimal hlawkna ringawt ngaihtuah loa, Zohnahthlakte awlsamna zawng turin kan inngen e

• Boruak ti sosang zawnga hma la lo turin Mizo mipui zawng zawngte a ngen a ni